പുതുച്ചേരി കേന്ദ്രഭരണ പ്രേദേശത്തിന്റെ ഭാഗമായ മയ്യഴിയിലെ ആദ്യത്തെ ഉന്നത പഠന സ്ഥാപനമാണ് മഹാത്മാ ഗാന്ധി ഗവഃ ആർട്സ് കോളേജ്. ചാലക്കരയിലെ പ്രകൃതിരമണീയമായ മൌണ്ട് വേരാ യിലാണ് ഇപ്പോൾ കോളേജ് പ്രവർത്തിക്കുന്നത്. പുതുച്ചേരി കേന്ദ്രഭരണ പ്രദേശത്തെ മുഴുവൻ മേഖലയിലെയും ജനങ്ങൾക്കു വേണ്ടി ആർട്സ്, ഹ്യൂമാനിറ്റീസ് ,സയൻസ് വിഷയങ്ങളായിൽ ഗുണമേന്മയുള്ള ഉന്നത വിദ്യാഭ്യാസം നല്കുന്നതിനായുള്ള പുതുശ്ശേരി സർക്കാരിന്റെ പ്രവർത്തന ഫലമായാണ് ഈ കോളേജ് സ്ഥാപിതമായത്
1970 ഡിസംബർ 11 ന് ബഹുമാനപ്പെട്ട പുതുശ്ശേരി ലഫ് ഗവർണർ ശ്രീ. ബി.ഡി . ജെട്ടി, കാലിക്കറ്റ് യൂണിവേഴ്സിറ്റി വൈസ് ചാൻസലർ എം എം ഘനി യുടെ സാന്നിധ്യമുള്ള ബഹുമാനപ്പെട്ട അന്നത്തെ പുതുച്ചേരി മുഖ്യമന്ത്രി ശ്രി. എം.ഒ.എച്. ഫാറൂഖ് അധ്യക്ഷനായുള്ള ചടങ്ങിൽ വച്ച ഈ കോളേജിൻറെ ഉദ്ഘാടനം നിർവ്വഹിക്കപ്പെട്ടു.
തുടക്കത്തിൽ കാലിക്കറ്റ് യൂണിവേഴ്സിറ്റി അഫിലിയേഷനിലുള്ള പ്രീ ഡിഗ്രി മാത്രമുള്ള ഒരു ജൂനിയർ കോളേജ് ആയി ആരംഭിച്ച കോളേജിൽ 1973 ൽ ബിരുദ കോഴ്സുകളും. 1992 ൽ ബിരുദാനന്തര ബിരുദ കോഴ്സുകളും ആരംഭിച്ചു. ഇപ്പോൾ പോണ്ടിച്ചേരി യൂണിവേഴ്സിറ്റിയുമായി അഫിലിയേറ്റ് ചെയ്യപ്പെട്ട കോളേജിന് നാക്കിന്റെ ബി ഗ്രേഡ് ലഭിച്ചിട്ടുണ്ട് . കോളേജിന് ആവശ്യമായ അടിസ്ഥാന സൗകര്യങ്ങളും ലാബുകളും നല്ല ഒരു ലൈബ്രറിയും ഉണ്ട്. ഉന്നതയോഗ്യതയും അനുഭവസമ്പത്തുമുള്ള അദ്ധ്യാപകർ സ്ഥാപനത്തിൻറെ സവിശേഷതയാണ് .
മാഹി നാഷണൽ ഇൻഫൊർമാറ്റിക്സിന്റെ സഹകരണത്തോടെ പൂർണമായും കമ്പ്യൂട്ടർ വല്ക്കരിക്കപ്പെട്ട വിദ്യാർത്ഥി ഹാജർ നിലവാര പരിശോധന സംവിധാനവും, പരീക്ഷാ നടത്തിപ്പും ചെയ്യുന്ന മാഹിയിലെ ഏക സ്ഥാപനമാണ് കോളേജ്
