ജില്ലയെ കുറിച്ച്

മയ്യഴിപ്പുഴയുടെയും അറേബ്യൻ കടലിന്റെയും അഴിമുഖത്ത് സ്ഥിതിചെയ്യുന്ന ഒരു ചെറിയ പ്രദേശമാണ് മാഹി (മയ്യഴി). അറബിക്കടലിന്റെ കൺപുരികം എന്നാണ് മയ്യഴിയെ വിശേഷിപ്പിച്ചിരിക്കുന്നത്. ഇന്ത്യക്കാരോടപ്പം തന്നെ വിദേശിയരെയും വളരെയധികം ആകര്ഷിച്ചുകൊണ്ടിരിക്കുന്ന ഒരു വിനോദസഞ്ചാര കേന്ദ്രം കൂടിയാണ് മാഹി . കെട്ടുകഥകളുടെയും നിഗൂഢതകളുടെയും ഒരു സങ്കേതമാണ് മാഹി . അതിന്റെ ഓരോ മുക്കിലും മൂലയിലും അതിശയകരമായ കഥകൾ ഉണ്ട്, അവ നിങ്ങളെ അത്ഭുതങ്ങളുടെയും ജുഗുപ്സകളുടെയും ഒരു ലോകത്തേക്ക് ആനയിക്കുന്നു.

ഭൂമിശാസ്ത്ര പരമായി കേരളത്തിൽ സ്ഥിതി ചെയ്യുന്ന മാഹി പുതുച്ചേരി സർക്കാരിന്റെ സാമ്പത്തിക  സ്രോതസ്സിൽ  പ്രഥമ  ഗണനീയമായ സ്ഥാനമുണ്ട്. പുതുച്ചേരി സർക്കാരിന്റെ ഭരണസിരാ കേന്ദ്രത്തിൽ നിന്ന് 630 km ദൂരത്തിൽ സ്ഥിതി ചെയ്യുന്ന ഈ പഴയ ഫ്രഞ്ച് നഗരം ഒൻപതു കി.മി വിസ്തീർണവും ഏകദേശം 41000 ആളുകളും താമസിക്കുന്നു. ഇന്ത്യൻ പെനിൻസുലിലെ ഇന്ത്യൻ  ഉപദ്വീപിന്റെ   പടിഞ്ഞാറൻ  തീരത്തിന് അക്ഷാംശം  11 ഡിഗ്രി 42 നും , ’11 ഡിഗ്രി 43′ നും  ഇടയിൽ വടക്ക് സ്ഥിതിചെയ്യുന്നു  , രേഖാംശം 75 ഡിഗ്രി 31 നും 75 ഡിഗ്രി 33 നും  കിഴക്കും സ്ഥിതിചെയ്യുന്നു.  കേരളത്തിലെ വടകരക്കും തലശ്ശേരിക്കും ഇടയിൽ സ്ഥിതി ചെയ്യുന്ന ഈ നഗരം കോഴിക്കോട് നിന്നും ഏകദേശം 58 km ദൂരത്തിലും കണ്ണൂരിൽ നിന്നു 24 km ദൂരത്തിലും സ്ഥിതി ചെയ്യുന്ന ഒരു തിരക്കേറിയ വാണിജ്യ കേന്ദ്രമാണ്.